Бир киши кам бўлиб ўйнаган "Насаф"ни "Навбаҳор" таслим этди

Ўзбекистон Суперлигаси 16-турининг сўнгги беллашуви "Насаф" - "Навбаҳор" ўз якунига етди. Унда меҳмонлар 1:0 ҳисобида зафар қучди.

Баҳс тақдирини "лочинлар"нинг бразилиялик легионери Коста Гуттинер томонидан 83-дақиқада киритилган ягона гол ҳал этди. 72-дақиқа ўтиб бораётган бир пайтда, бош ҳакам Зокир Қодиров мезбонлар вакили Ойбек Бозоровга қизил карточка кўрсатди.

Ушбу ғалаба натижасида "Навбаҳор" очколари сонини 23тага етказиб олган ҳолда, 7-ўринга кўтарилиб олди. 6-поғонадаги "Насаф" 24 очко жамғарган.

• 90+6'
  

  Учрашув ўз якунига етди. "Насаф" муросасиз ўтган баҳсда кичик ҳисобда мағлубиятга учради.

• 90+5'
  

  Паншанбе ўрнини Ғуломов эгаллади.

• 90+5'

  Насафда сўнгги зарбани берадиган футболчи топилмаяпти

• 90+4'

  Навбаҳор тўпни ўзида сақлаб туришга ҳаракат қилмоқда

• 90+2'

  Насафнинг деярли барча футболчиси олдинга чиқмоқда. Наманганликлар бутун жамоа бўлиб ҳимояланмоқда

• 90+'
  

  6 дақиқа қўшиб берилди

• 90 '
  

  Абдураҳимов Абдуллаевни, Нуруллоев эса, Мозговой ўрнини эгаллади

• 89'

  Насаф жуда қулай имкониятни бой берди

• 88'

  Насаф вазиятдан келиб чиқиб бор кучини ҳужумга қаратмоқда

• 86'

  Насаф стандарт вазиятга эга эди. Станоевич узоқ масофадан ноаниқ зарба йўллади 

• 85'

  Заҳирадан майдонга тушган футболчи ҳисобни очмоқда. Насаф қандай жавоб қайтаради?

• 83'
  

  ГООООООООООООООЛ! "Навбаҳор" ҳисобда олдинга ўтиб олди!

  Коста ҳисобни очди. Унинг узоқ масофадан берган зарбаси нишонга аниқ борди

• 82'
  

  Саитов ўз ўрнини Манноновга бўшатиб берди

• 81'
  

  Насаф сҳужумда фол ишлатди. Тўп яна Навбаҳорда. Акмал Мазгвой ҳакамга эътироз билдиргани учун сариқ карточкага лойий кўрилди

• 79'
  

  Норчаевга нисбатан қўпполлик учун Тигр сариқ карточкага лойиқ кўрилди

• 76'
  

  Бурчак зарбасидан сўнг, ҳимоячилар тўпни бартараф этди

• 74'

  Наманганликлар темпни оширмоқда. Энди мезбонларга осон бўлмайди

• 73'

  Бир киши кам бўлиб қолган қаршиликлар ҳужумга ўтди. Норчаевнинг зарбаси дарвоза устунига тегди 

• 72'
  

  Ойбек Бозоров майдони тарк этди.

• 63'

  Бозоровнинг узатмасига Норчаев ета олмади.

• 61'

  Майдон эгалари тўп назоратини ўз қўлларида ушлаб турибди.

• 59'

  Ғолиб Ғайбуллаевнинг бу сафарги уринишидан сўнг тўп устун ёнгинасидан ўтиб кетди.

• 58'
  

  Дониёр Нарзуллаевга тиббий ёрдам кўрсатилди.

• 57'

  Ўринбоев майдондан четлатилиниши мумкин эди. Ҳакам ўйин темпини бузиб қўйгиси келмади.

• 56'

  Ғайбуллаевниннг зарбаси ноаниқ.

• 55'

  Мезбонлар жарима майдонига яқин ҳудудда стандарт вазиятга эга бўлди.

• 54'

  Забиҳилло Ўринбоевнинг жарима майдони ташқарисидан берган зарбаси ноаниқ кетди.

• 52'

  Наманганликлар бироз қалтисроқ ҳаракат қиляпти.

• 51'
  

  Мозговойга нисбатан қоида бузган Тельяков огоҳлантирилди.

• 49'

  Иккинчи 45 дақиқалик ҳам анча кескин курашлар остида кечмоқда.

• 47'
  

  Ҳошимов Норчаевга нисбатан қоида бузди ва огоҳлантирилди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшилди.

• 43'

  Бўлим сўнгини "аждарлар" тўп назорати билан ўтказмоқда.

• 41'

  Норчаевнинг зарбаси ноаниқ кетди.

• 40'

  Бердиев шогирдлари тўп назоратини қўлга олишга ҳаракат қилмоқда.

• 38'

  Ҳакамга техник ёрдам кўрсатилди. Футболда шунақаси ҳам бўлиб туради.

• 36'
  

  Ўткир Ҳусайин Норчаевнинг яқин масофадан берган зарбасини қайтарди.

• 35'

  Жарима майдонига ёриб кирган Бозоров зарба йўллашига Юсупов йўл қўймади.

• 32'

  Навбаҳор яхши ҳимояланмоқда. Насаф узоқдан зарба беришга мажбур бўляпти. Ҳозирча урунишлар бефойда чиқмоқда

• 30'

  Энди қаршиликлар қулай стандартдан унумли фойдалана олмади. Саитовнинг узатмасига Эшмуродов аниқ зарба бера олмади.

• 28'

  Насруллаев қаноти жуда фаол бўлмоқда. Айнан унинг узатмасидан сўнг Саитов тўпни дарвозага жойлаб қўйиш имкониятидан фойдалана олмади

• 26'

  Иван берган зарба "Насаф" дарвозаси устидан ўтиб кетди. "Лочинлар" қулай стандартдан наф чиқара олмади.

• 24'

  Ўйин темпи жуда паст. Томонлар шошмасдан ҳужумга навбат билан ўтмоқда

• 21'

  Насруллаев узатган тўп манзилга етиб бормади. "Насаф" майдон марказида прессинг қилмоқда

• 21'

  Ойбек Бозоров Паншанбега нисбатан қўполлик ишлатди

• 20'

  Наманганликлар тўп назоратини ўз қўлига олмоқда

• 18'

  Дилшод Саитов стандартдан жарима майдонига тўп оширди. Ҳимоячилар яхши ҳаракат қилди.

• 17'

  "Навбаҳор" футболчисининг олис масофадан берган зарбаси ноаниқ кетди.

• 16'

  Жарима майдонига оширилган тўпга Боян Чигер ета олмади.

• 14'

  Ойбек Бозоров доимгидек фаол ўйнамоқда. Бироқ ҳимоячилар унга қарши яхши ҳимояланяпти.

• 12'
  

  Дониёр Нарзуллаевга тиббий ёрдам кўрсатилмоқда.

• 10'

  Дастлабки 10 дақиқалик тенг курашлар остида ўтди.

• 8'

  3 рақиби қуршовида қолиб кетган Бозоров тўп йўқотди.

• 6'
  

  Алиқуловнинг кучли зарбасини Ўткир Юсупов қайтарди.

• 5'

  Жарима майдони остонасида Бозоровга нисбатан қоида бузилди. "Насаф"да анча хавфли стандарт вазият.

• 4'

  Дилшод Саитов жамоадоши узатган тўпга ета олмади.

• 2'

  Меҳмонлар дарҳол фаоллик намойиш этмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!