Биргина қарор билан Роналду ва Неймардан воз кечишди

Янги мавсумда ўз олдига катта марраларни қўйган "Челси" клуби ҳужум чизиғини кучайтириш йўлларини изламоқда.

"Evening Standard" нашри кутилмаган маълумотни эълон қилди. Унга кўра, "аристократлар" Раҳим Стерлинг трансфери билан чекланиб қолмоқчи эмас. Аммо Лондонга келадиган футболчини фақатгина бош мураббий танлайди.

Шу боис, раҳбарият шорт-листида бўлган Криштиану Роналду ва Неймар рўйхатдан ўчирилди. Томас Тухель "Челси"нинг ҳозирги таркибига бундай юлдузлар керак эмас деб ҳисоблайди. Немис мутахассиси улар қолганлардан ажралиб қолишидан қўрқади.

Аввалроқ, Роналду Чемпионлар лигасида иштирок этаётгани учун "кўклар" таркибига келиб қўшилмоқчилиги ҳақида хабарлар тарқалганди.