Биринчи даврада "Навбаҳор"нинг энг зўр футболчиси ким бўлди?

“Навбаҳор” клуби матбуот хизмати клуб аъзоларининг 1-даврада қайд этган статистик натижалари маълум қилди.

Ўзингизга маълум, “лочинлар” давралар оралиғидаги танаффусга турнир пешқадами сифатида чиқиб кетишди.

Албатта, бундай ижобий натижага эришиш ортида клуб раҳбарияти, жамоа мураббийлар штаби ва футболчиларнинг улкан меҳнатлари самараси ётибди.

Маълумки, ғалаба қозонишда голларнинг ўрни беқиёс. Хўш, “Навбаҳор”нинг Сoca Cola Суперлигаси 1-даврасидаги голларига кимлар муаллифлик қилишди?

Хабарингиз бор, Самвел Бабаян шогирдлари миллий чемпионатимизнинг биринчи ярмида рақиблар дарвозасига 15 та гол уришди. Ушбу голларга эса 6 нафар футболчи муаллифлик қилди. 

Наманганликларнинг тўпурарлар рўйхатини сербиялик ҳужумчи Зоран Марушич  5 та гол билан бошқариб турибди.

Гол муаллифларининг тўлиқ рўйхати эса қуйидагича кўринишга эга:

1.Зоран Марушич – 5 та

2.Элгужа Григалашвили – 3та

3.Азимжон Аҳмедов, Жамшид Искандеров ва Рустамжон Ашурматов – 2 тадан

4.Йован Жокич – 1 та.

“Навбаҳор” ПФК матбуот хизмати.