Бировнинг устидан кулмагин зинхор...Ёхуд Роналду "еб қўйди"

Хабарингиз бор, португалиялик ҳужумчи Криштиану Роналду Саудия Арабистонининг “Ал-Наср” клуби билан 2025 йилгача шартнома имзолади. Унинг янги клубдаги асосий маоши йилига 75 миллион долларни ташкил қилади ва қўшимча бонуслар билан бирга ҳисоблаганда, унинг маоши 200 миллион долларгача етиши мумкин.

Айни дамда “Барселона”ни бошқараётган Хави ўз вақтида Месси ва Роналду ҳақида берилган саволга қуйидагича жавоб берган эди.

“Мессининг руҳий ва жисмоний тезлиги мукаммал. Ахмоқлар футбол ўйнолмайди, Роналду ҳақида гапирмасам ҳам бўлади. Криштиану даражасидаги спортчи ақлли бўлиши керак, лекин Месси билан бир вақтда ўйнагани унинг омадсизлиги. Уларни солиштиришдан маъно йўқ. Агар у “Реал”дан кетса, гапларимнинг исботини ҳамма кўради".

Кейинчалик Роналду ушбу гапларга муносабат билдириб, Қатар клубига кўчиб ўтгани Хавини танқид қилган эди.

“Хави ҳеч қачон “Олтин тўп”ни қўлга киритмаган ва унинг фикри мени қизиқтирмайди. У Қатарга кетди, чунки у ҳеч кимга керак эмас”.

Эслатиб ўтамиз, Хави 2014-2015 йилги мавсум якунланганидан сўнг "Барселона"дан "Ал-Садд"га кўчиб ўтган эди.