Битта ютқазсак, ҳаммаси тамом бўлади

“Манчестер Сити” бош мураббийи Хосеп Гвардиола жамоаси премьер-лиганинг қолган саккизта учрашувидан бирортаси очко йўқотиши мумкинмаслигини таъкидлади.

Испаниялик мутахассис шогирдлари “Ливерпуль”дан бир очко фарқни сақлаб қолган ҳолда, мусобақа жадвалида пешқадамлик қилмоқда.

Манчестерликлар олдидаги саккизта учрашув орасида 10 апрель куни “Этихад” аренасида “Ливерпуль”га қарши учрашув ҳам бор. Мутахассислар мана шу тўқнашув кўп нарсани ҳал қилишини таъкидламоқда.

- Саккизта ўйин ва 24 очко бор. Бу босимни ҳис қилишимиз керак. Бирорта учрашувда енгилсак, бош совринсиз қоламиз. “Ливерпуль” бизга ютқазишига умид қиламан. Қолган ўйинларда улар очко йўқотмайди, - деди Хосеп Гвардиола.