Ямаль: «Биз ҳеч кимдан қўрқмаймиз"

Испания терма жамоаси ярим ҳимоячиси Ламин Ямаль Жаҳон чемпионати — 2026 мусобақасининг 1/4 финалида Бельгияга қарши ўйинда (2:1) қўлга киритилган ғалаба ҳақида фикр билдирди.

«Ташқаридан қараганда, гўёки биз жуда ҳам чиройли футбол ўйнамаётгандек туюлиши мумкин. Аслида эса бизга қарши майдонда тенгма-тенг ўйнайдиган жамоа деярли йўқ: рақиблар чуқур ҳимояга ўтиб олишади, шу боис ўйин анча қийинлашади… Лекин барибир охирида ғалабага эришдик», — дея футболчининг сўзларини журналист Фабрицио Романо келтиради.

Испания терма жамоаси ярим финалга Микель Мерино томонидан 88-дақиқада урилган гол ҳисобига йўл олди. Плей-оффнинг навбатдаги босқичида «Қизил фурия» Франция терма жамоасига қарши майдонга тушади.