Бизга ўт, йилига етти миллион евро маош оласан!

Италиянинг “Милан” клуби “Ливерпуль” сардори Виржил ван Дейкни ўз сафига қўшиб олиш учун унга йилига 7 миллион евро маош таклиф қилишга тайёр.

Манбаларга кўра, нидерландиялик ҳимоячининг “Ливерпуль” билан шартномаси келаси йили якунига етади ва уни узайтириш эҳтимоли юқори эмас.

Шунингдек, саккиз мавсумдан бери Англияда тўп сураётган ван Дейк фаолиятида янги чақириқни синаб кўришни истаётгани ҳам айтилмоқда. Келаси ҳафта 35 ёшга тўладиган футболчи учун Италия чемпионати жисмоний юкламалар нуқтаи назаридан ҳам қулайроқ вариант сифатида баҳоланмоқда.

Эслатиб ўтамиз, ўтган мавсумда “Милан” А Серияни 5-ўринда якунлаган. Клуб раҳбарияти жамоани яна чемпионлик курашига қайтариш учун бош мураббийликка Рубен Аморимни олиб келди.