Бизга ўтсанг, жуда кўп гол урасан!

FCB Inside нашрининг ёзишича, германиялик ҳужумчи Кай Хаверцнинг “Челси”даги келажаги мавҳум бўлиб турибди.

Трансфер мутахассислар бу ўйинчига ўзига қизиқиш билдираётган “Бавария”га ўтишни тавсия қилмоқда. Хаверц Бундеслигада ўйнаган даврида кўп гол урарди. Англия премьер-лигасида бундай бўлмаяпти.

Экспертларнинг таъкидлашича,  Кай Хаверц мюнхенликлар клубига ўтадиган бўлса, ҳужумчи сифатида жуда кўп гол уриш имконига эга бўлади.

Эслатиб ўтамиз, 2020 йили “Челси” Хаверц учун “Байер”га 62 миллион фунт тўлаган эди. Бу трансфер ўзини оқламади. Кай Англиядаги дебют мавсумида бешта, ундан кейингисида 8 та тўп киритди.

Англиядаги учинчи мавсумида Хаверц атиги бешта гол урди холос. Табиийки, “Челси” даражасидаги клубда ҳужумчининг бу кўрсаткичлари анча паст саналади.