Бобур Тагиев супер жанг кечасида рингга кўтарилади

26 март куни Бирлашган Араб Амирликларининг Абу-Даби шаҳрида К-1 бўйича нуфузли турнир ташкил этилади.

“Royal Battle” дея номланган ушбу жанг кечасида жаҳоннинг энг кучли яккакураш вакиллари иштирок этади. Улар орасида ўзбекистонлик К-1 усталари ҳам қатнашиши кўзда тутилган. Жумладан, юртимизда ушбу спорт тури бўйича энг номдор вакилларимиздан бири Бобур Тагиев ҳам ўз жангини ўтказади.

Ҳамюртимизга марокашлик Набил Уач рақиблик қилади. Марокаш вакили профессионал фаолияти мобайнида 17 та ғалаба ва икки мағлубият қайд этган. Юртдошимизнинг рекорди эса, 23-3 кўринишга эга.

Спортчимизга Ўзбекистон К-1 федерацияси Тошкент шаҳар бўлими раиси Ҳожиакбар Ҳакимов ҳамроҳлик қилмоқда. Унинг таъкидлашича спортчимизга барча шароитлар муҳайё қилинган ва муҳим жангга жиддий хозирлик кўрмоқдалар. 

Мазкур жангда ҳамюртимизга омад ёр бўлишини тилаб қоламиз!

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар