Boks bo‘yicha harbiylar o‘rtasidagi jahon chempionati birinchi kunida 3 nafar hamyurtimiz ringga ko‘tarildi. Natijalar bilan tanishing

Rossiyaning Moskva shahrida harbiy bokschilar o‘rtasida jahon chempionati bo‘lib o‘tmoqda. Bugun musobaqaning ilk kunida 3 nafar vakilimiz bahslarga kirishdi. Qizlarimizdan -51 kg vazn toifasida Aziza Yoqubova nepallik Minu Gurungni mag‘lubiyatga uchratgan bo‘lsa, -60 kg vaznda Tokio Olimpiadasi ishtirokchisi Rayhona Qodirova mo‘g‘ulistonlik Badmarag Ganzorigdan ustun keldi. Erkaklar o‘rtasida -64 kgda ishtirok etayotgan Mujibillo Tursunov eronlik Husayn Jiddiga hech qanday imkoniyat qoldirmadi.