Бокс: Нодиржон Мирзаҳмедов “Губернатор кубоги” финалига йўл олди

Санкт-Петербург шаҳрида “Губернатор кубоги” турнирининг ярим финал баҳслари старт олди. Маълумки, бугун 6 нафар боксчимиз финал босқичига чиқиш учун рингга кўтарилади.  -49 кгда юртдошимиз Нодиржон Мирзаҳмедов биринчи бўлиб рингга кўтарилди. У мазкур босқичда  россиялик Эдмонд Худоянга қарши жанг қилди. 

Барча раундаларда фаол ҳаракат қилган ва аниқлик борасида ҳам рақибидан устунликка эришган юртдошимиз ҳақли равишда финалга йўл олди. Энди, у финал жангида россиялик Игорь Царегородцев қарши рингга кўтарилади. Ушбу ғалаба билан боксчимизни муборакбод этамиз!