Бокс: Ўзбекистон чемпионатида баҳс-мунозарага сабаб бўлган жанг ғолибининг жароҳати жиддий бўлиб чиқди

Хабарингиз бор, кеча катталар ўртасидаги бокс бўйича Ўзбекистон чемпионати доирасида Улуғбек Ҳақбердиев ва Маҳмуд Ғойиповлар ўзаро жанг ўтказаган эди. Иккинчи раунднинг дастлабки сонияларида тўқнашув юз бериб, Улуғбек қошидан жиддий жароҳат олади.

Шунинг учун, жанг тўхтатилиб ғалаба Маҳмуд Ғойиповга берилган эди. Лекин, Ҳақбердиевнинг мураббийлари бу натижадан норозилик билдиришди. Натижада жанг қайтадан кўриб чиқилиб, ғалаба Ҳақбердиевга тақдим этилганди. Афсуски, баҳс ва мунозараларга сабаб бўлган қарма-қаршилик  ғолиби барибир навбатдаги жангда иштирок эта олмайди. Чунки, тиббиёт ходимлари томонидан унинг жароҳати жуда жиддий деб топилди.

Бу борада унинг мураббийи Жаҳонгир Қурбонов ҳам ўз фикрларини билдириб ўтди.

Албатта, жуда ачинарли бўлди. Лекин биринчи навбатда унинг соғлиғи муҳим ўрин тутади. Насиб қилса, навбатдаги чемпионатларда ўз олдимизга қўйган мақсадларга эришамиз деб ўйлайман.