Боксимиз юлдузлари Тошкентда кутиб олинди (Фото)

Яхши биласиз, 3 апрель куни Тошкент шаҳрида профессионал бокс оқшоми ташкил этилади.

Жанг оқшоми доирасида Ўзбекистоннинг кўзга кўринган боксчилари проф боксда навбатдаги жангларини ўтказишади. Кечанинг марказий жангида икки йўналишда жаҳон чемпиони Муроджон Аҳмадалиев япониялик Рёсуке Ивасага қарши жанг қилади.

28 мартга ўтар кечаси соат 01:55 да бир қатор боксчиларимиз, жумладан Муроджон Аҳмадалиев, Исроил Мадримов, Шаҳрам Ғиёсов, мураббий Тўлқин Қиличев, боксчиларимизнинг проф рингдаги мураббийи Жоэль Диаз ва бошқалар юртимизга етиб келди.

Улар Тошкент халқаро аэропортида кутиб олинди. Кутиб олиш маросимида Ўзбекистон бокс федерацияси раҳбарияти, федерация мутасаддилари, мухлислар, ОАВ ходимлари иштирок этди.

Ўзбекистон бокс федерацияси матбуот хизмати