Бонуччи: "Бу икки футболчини солиштириб бўлмайди"

"Ювентус" футболчиси Леонардо Бонуччи Криштиану Роналду ва Душан Влаховични солиштириб бўлмаслигини айтди. 

"Вильярреал"га қарши ўйин биз учун жуда қийин бўлади. "Сариқ сув ости кемаси" яхши даражада футбол ўйнайди ва жамоа тажрибага эга. Бироқ Душанда рақиблар чуқур ҳимояланган пайти тўпни ушлаб тура олиш устунлиги бор. 

Унга жамоага мослашиш учун вақт керак. Криштиану билан ҳар ўйинни 1:0 ҳисобида бошлагандик. У ўз кучи ва руҳиятини бутун жамоага ўтказа оларди. Роналду классик марказий ҳужумчи ва уни ҳали ёш Влахович билан солиштириб бўлмайди", - деди Леонардо. 

Эслатиб ўтамиз, бугун тунда "кекса синьора" Чемпионлар лигаси доирасида Испаниянинг "Вильярреал" жамоасига қарши ўйин ўтказади.