"Боруссия" Дортмунд ўз уйида "Герта" устидан йирик ҳисобда ғалаба қозонди

Германия Бундеслигасининг 21-туридан ўрин олган "Боруссия" Дортмунд - "Герта" учрашуви якунланди.

Майдон эгаларининг катта устунлиги билан кечган баҳсда "асаларилар" 4:1 ҳисобида ғалаба қозонди. Дастлаб учрашувнинг 27-дақиқада Карим Адейеми ҳисобни очди. Орадан 4 дақиқа ўтиб, 31-дақиқада Дониелл Мален ҳам гол уриб, орадаги фарқни иккитага етказиб қўйди. Биринчи тайм шу тарзда якунланди.

Иккинчи таймнинг 46-дақиқасида "Герта" ярим ҳимоячиси Люка Тузар дарвозага аниқ зарба йўллаб орадаги фарқни қисқартирди. Шундан сўнг жамоа сардори Марко Ройс 76-дақиқада  ва Юлиан Брант 90-дақиқада гол уриб ҳисобни 4:1 кўринишига келтириб қўйди ва учрашув мана шу тарзда якунланди.

Шу тариқа, дотмундликлар чемпионатдаги очколари сонини 43 тага етказиб, бу борада "Бавария"га етиб олди.