"Боруссия М" етакчиларидан бирини мавсум сўнггига қадар йўқотди

Мюнхенгладбахнинг "Боруссия" клуби вингери Рафаэль ўнг тиззасидан олган жароҳати сабаб мавсумни эрта якунлашга мажбур бўлди. Бу ҳақда немис клуби матбуот хизмати хабар бермоқда.
Таъкидлаш керакки бразилиялик футболчи Бундеслиганинг 28-турида "Кёльн"га қарши баҳсда жароҳат олган эди.
Маълумот учун, Рафаэль жорий мавсум "Боруссия М" сафида чемпионатнинг 18та учрашувида иштирок этган ва ўз ҳисобига 6та гол ёздириб қўйишга эришган.