Бразилияда Анчелоттининг келажаги борасида бир қарорга келинди

Бразилия футбол конфедерацияси президенти Самир Хауд миллий терма жамоа бош мураббийи Карло Анчелотти билан янги меҳнат шартномаси имзолаш имкониятлари ҳақида гапирди.

"Анчелотти ҳаммаси ҳар икки томонга боғлиқлигини айтди. Биз узоқ муддатли ҳамкорликни йўлга қўйишимизга ишонаман. Бунинг учун барча шароитлар мавжуд", — деди у журналистлар билан учрашувда.

Такидлаб ўтиш керакки, Анчелоттиниг Жанубий америкаликлар билан тузган амалдаги шартномаси "Жаҳон чемпионати–2026" турнири сўнггида тугайди. Томонлар ҳамкорликни 2030 йилгача узайтириш имкониятига эга.

Маълумот учун, италиялик мутахассис шу йилнинг май ойидан бошлаб "пентакампеонлар" устозига айланган эди. Карло бошчилигида Бразилия АҚШ, Канада ва Мексика давлатлари мезбонлик қиладиган мундиалга йўлланмани қўлга киритди.