Брейтуэйт кучсиз жамоаларга ўтишни истамаяпти

"Барселона" футболчиси Мартин Брейтуэйт "Барселона"дан кетишга қарши эмас. У фақат бир шарт билан жамоадан кетишга розилик билдиради. 

"Diario Sport" нашрининг хабар беришича, ҳужумчи Англия ёки Испаниянинг номдор жамоаларига ўтишни истамоқда. У кучсиз клублар билан шартнома имзолашни режалаштирмаяпти. 

Агар таклифлар Мартинга маъқул келмаса, у каталон жамоасида қолишини маълум қилган. Бироқ ҳозирда Брейтуэйтга ҳеч қандай таклифлар келиб тушмаган. 

Маълумот ўрнида, даниялик иқтидор эгасининг "Барселона" билан амалдаги шартномаси 2024 йил 30 июнда якунига етади.