Brunu Fernandesh: Jamoadoshlardag hafsalam pir bo‘ldi!

Angliya Premer-ligasining 32-turida “Manchester Yunayted” safar uchrashuvida “Nyukasl”dan qaqshatqich mag‘lubiyatga uchradi. Ruben Amorim shogirdlari o‘yinni 1:4 hisobida boy berdi.

Bellashuvdan keyin manchesterliklar etakchisi va sardori Brunu Fernandesh o‘z fikr-mulohazalarini bildirib o‘tdi.

- Jamoadoshlarimdan hafsalam pir bo‘ldi. Chunki men ularning qanday yaxshi o‘yinchi ekanliklarini yaxshi bilaman. Bu klub sharafini himoya qilish qiyin ekanini ham tushunaman. Bu futbolchilar jamoaga foyda keltirish, g‘alaba qozonishni istaydi.

Bu o‘yinda baho beradigan jihat yo‘q, chunki yutqazdik. Birinchi bo‘limda yaxshi o‘ynadik, bellashuvning ikkinchi yarmida buni davom ettira olmadik.

Mavsum og‘ir o‘tyapti, hech narsaga erisha olmasligimizni ham bilamiz. Musobaqa jadvalidagi o‘rnimiz, klubning maqveiga umuman to‘g‘ri kelmaydi. Shunda ham kerakli natijalarni qo‘lga kirita olmayapmiz.

Endi faqat oldinga qarashimiz shart, chunki bizni juda muhim o‘yinlar kutib turibdi. Hammasini boshdan chiqarib tashlab, faqat kurashish kerak, - dedi Brunu Fernandesh.

Ta’kidlash joizki, “Manchester Yunayted” rahbariyati anchadan beri jamoada ijobiy o‘zgarish yasay oladigan bosh murabbiy topa olmayapti. Katta umidlar bilan olib kelingan Ruben Amorim ham hech narsa qila olgani yo‘q.