Бу фақат Роналдуга насиб қилган

Криштиану Роналду “Евро-2024” саралаш турнири доирасида Словакия терма жамоаси дарвозасини икки марта ишғол қилиб, португалияликларнинг 3:2 ҳисобидаги ғалабасини таъминлади ва терма жамоасини мусобақанинг финал босқичига олиб чиқди.

Шу тариқа, 38 ёшли юлдуз Европа чемпионатида финал босқичига олтинчи марта йўлланма олган ягона футболчига айланди.

Энди Роналду “Евро-2024” финал босқичида майдонга тушиши билан қитъе чемпионатида олтинчи марта қатнашган футболчи сифатида яна бир тарихий кўрсаткич соҳибига айланади.

Шунингдек, Словакияга қарши баҳсдаги дубли орқали Роналду терма жамоадаги голлари сонини 125 тага етказиб, ўз рекордини янгилади.