Бу ғалабадан каттароқ натижа
SPORTS.uz сайти журналисти - Яҳёхўжа Улуғхўжаев ўз телеграм каналида ҳозиргина якунига етган Ўзбекистон суперкубоги баҳси ҳақида пост қолдирди. Унинг айтишича, бу ғалаба "Насаф" учун руҳий томондан сув ва ҳаводек зарур эди.
"Кайфияти йўқ "Насаф" бугун "Пахтакор"га қарши яхши ўйин кўрсатмаган бўлиши мумкин, бироқ руҳан ғолиб чиқишни уддалади.
- Суперкубок
- Финал
Пахтакор
- Пшемислав Банашак 8'
24/08/2023 19:30
Насаф
- Ойбек Бозоров 42'
- Марко Станоевич 66'
Бердиев шогирдлари аввалга қўпол хатога йўл қўйиб тўп ўтказиб юборди. Барчаси, навбатдаги голларга қараб кетаётгандек туюлган пайтда, жамоа қайтди. Қайтганда ҳам, агрессив прессинг, тўп назорати ва совуққон зарбалар билан қайтди. Якунда, 2:1 "аждарлар" Суперкубок эгасига айланмоқда!
Тўғри, ким учундир бу соврин Суперлига олтин медаллари олдида қийматиздек туюлиши мумкин, аммо "аждарлар" учун бугун бу ғалаба сув ва ҳаводек зарур эди. Соврин ўз йўлига. Бугун майдонда ундан анча оғирроқ тош босадиган нарсалар учун "жанг" бўлди.
Ўйиндан аввал "Насаф" ҳам, худди "Пахтакор" сингари ўзбек футболининг байроқдор жамоаси эканлиги ва бу даражада бир ё икки омадсизлик эвазига йўқолиб қолмаслиги ҳақида ёзган эдим. Бугун, "аждарлар" буни амалда ҳам исботлади. "Пахтакор" эса, бугун ОЧЛ олдидан жуда кўплаб нуқталарда муаммолар бор эканлигини кўриб олди. Яхши ўйин, 3 та гол ва аъло даражада ишлаган ҳакамлар бригадаси. Финал учун бундан зўр ссенарий бўлмаса керак.
"Пахтакор"да "Навбаҳор" устидан қозонган ғалабадан кейинги эйфория бугун тарқаб кетди. Яхшилаб разм солинса, аввалига кубок, кейин Суперкубокда аламли мағлубият. Ўртада Суперлига олтин медаллари қолди. Унинг учун ҳам ҳали "жанг" қилиш керак бўлади. Бугунги ўйиндан сўнг, чемпионликка кўз тиккан жамоа сони яна биттага ортганини ҳисобга олсак, осон бўлмаслиги аниқ. Буёғига энди ҳеч кимга осон бўлмайди."
Эслатиб ўтамиз, баҳс 2:1 ҳисобида "Насаф" фойдасига ҳал бўлди. Голларга Драган Черан, Ойбек Бозоров ва Марко Станоевичлар муаллифлик қилди.
Фикрлар