Бу икки жамоага кучимиз етмайди!

“Манчестер Юнайтед” бош мураббийи Эрик тен Хаг ҳозирги пайтда шогирдлари Англия премьер-лигасининг икки жамоасига рақобат кўрсата олмаслигини тан олди.

- Биз мавсум бошидаги муаммоларни инобатга олган ҳолда ҳозирги аҳволимиздан мамнун бўлишимиз керак.

Шунга қарамай, “Манчестер Юнайтед” рақобатда “Манчестер Сити”га тенг келолмайди. “Ливерпуль” ҳам тез орада ўз юқорига кўтарилишига аминман. Мана шу иккиси Англия премьер-лигасининг энг қудратли клублари ҳисобланади, - деди Эрик тен Хаг.

Эрик тен Хаг олдига жамоани кучли тўртликка олиб кириб, Чемпионлар лигаси йўлланмасини қўлга киритиш вазифаси қўйилган. Ҳозирча нидерландиялик мураббий ўз шогирдларини кучли тўртликда олиб юришни уддаламоқда.