Бу қизиқ. Азарни баскетболчиларни операция қиладиган жарроҳ операция қилади

“Реал” Мадрид клуби вингери Эден Азар пайшанба куни АҚШнинг Даллас шаҳрида тўпиғидан жарроҳлик амалиётини бошдан кечиради.

Бельгиялик футболчи учун айнан АҚШ клиникасининг танланиши ҳам бежиз эмас. Гап шундаки унинг операциясини баскетболчиларни операция қиладиган жарроҳ амалга оширади. Чунки, Азарнинг майдондаги ҳаракатлари айнан баскетболчиларнинг ҳаракатларига ўхшаб кетади.

Айтиш лозимки Азарнинг ўзи ҳам баскетболнинг ашаддий мухлиси ҳисобланади.  

Эслатиб ўтамиз, Азар жарроҳлик амалиётидан сўнг узоқ муддат даволанишига тўғри келади ва шу боис у бу мавсумда бошқа майдонга тушолмайди.