Бу туш эмас! 8 та гол урилган ўйинда "Челси" "Манчестер Сити" билан дуранг ўйнади

АПЛ 12-туридан ўрин олган ажойиб учрашув ўз ниҳоясига етди. 

Дастлаб, Холанд ҳисобни очган бўлса, Стерлинг ва Силвалар "аристократлар"ни олдинга олиб чиқди. Тайм сўнггида эса Аканжи ҳисобни тенглаштирди. Иккинчи тайм бошида Эрлинг яна бир бор ўз ҳисобига гол ёздириб қўйган бўлса, Жэксон 67-дақиқада имкониятларни тенглаштирди. 86-дақиқада Родри мезбонлар дарвозасини ишғол қилди. Ўйин сўнггида ҳакам "Челси" ҳисобига пенальти белгилади ва Пальмер учрашувдаги охирги голни урди. 

Шу тариқа, жамоалар бир очкодан бўлишиб олди ва лондонликлар турнир жадвалида 10-поғонага жойлашди. "Шаҳарликлар" эса биринчи ўринда қолди. 

Маълумот учун, "Челси" сўнгги бор "Манчестер Сити" дарвозасини бундан икки йил олдин ишғол қилишга муваффақ бўлган.