Бугун "Бунёдкор" таништирув маросими ўтказади

Хабарингиз бор, «Бунёдкор» мавсумнинг илк учрашувини 3 март куни «Сўғдиёна»га қарши ўйин билан бошлайди. Мавсум стартидан бир кун аввал, бугун «Бунёдкор» тақдимот ва таништирув маросимини ўтказади. Бу ҳақда клуб матбуот хизмати хабар берди.

Манбанинг маълум қилишича, клуб раҳбарияти, мураббий, футболчилар ва мухлислар иштирок этадиган маросимга жамоага таклиф этилган янги ўйинчилар таништирилади, либослар топширилади.

Шунингдек, ОАВ ходимлари клуб раҳбарияти, мураббий ва футболчиларга ўзларини қизиқтирган саволлар билан мурожаат қилишлари мумкин. Тадбир «Бунёдкор» стадионининг анжуманлар залида соат 15:00да бошланади.