Бугун футболчиларимиз Тожикистонга қарши иккинчи ўйинда майдонга тушади

Бугун Темур Кападзе бошчилигидаги Ўзбекистон U19 терма жамоаси қўшни Тожикистонга қарши иккинчи ўртоқлик учрашувида майдонга тушади.

Ушбу беллашув Душанбедаги “Мустақилликнинг 20 йиллиги” стадионида Тошкент вақти билан соат 16:30 да бошланади. Ўйинни “Спорт” телеканали орқали жонли эфирда томоша қилишингиз мумкин.

Ушбу терма жамоалар ўртасидаги дастлабки баҳс 3 сентябрь куни вакилларимизнинг 0:1 ҳисобидаги ғалабаси билан якунланган эди.