Бугун Жалолиддиновнинг дебютини кўрамизми?
Россия премьер-лигасининг биринчи турида “Рубин” ўз майдонида “Локомотив”ни қабул қилади. “Локомотив” янги мавсум олдидан ўзбек легионери Жасур Жалолиддиновни ўз таркибига қўшиб олгани боис ўзбекистонлик мухлислар эътибори ушбу учрашувга қаратилгани сир эмас.
Ҳар икки жамоа сўнгги ўн йилда ўзаро 25 та учрашув ўтказган. Шулардан атиги бештаси қозонликларнинг қўли баланд келган. Қизиғи, ўтган мавсумда ҳам бу икки клуб биринчи турда ўзаро тўқнаш келганди. Москвада бўлган баҳсда 1:1 ҳисоби қайд этилди.
Иккинчи даврда эса, “Рубин” ўз мухлислари кўз ўнгида пойтахтлик “темирйўлчилар”га ҳеч қандай қаршилик кўрсатолмади ва Алексей Миранчукнинг бир жуфт голи “Локомотив”га уч очко келтирди.
Бугун ўзбекистонлик футбол ишқибозлари Жасур Жалолиддиновнинг дебютини кўришга умид боғламоқда.
Учрашув Тошкент вақти билан 22:00 да бошланади.
Комментарии