Бугун "Женоа" ва Шомуродовни кучли рақиб қарши олади

Бугун Италия А Сериясининг 35-тур баҳслари давом эттирилади. Кун дастуридан Элдор Шомуродовнинг "Женоа" клуби иштирокидаги ўйин ҳам ўрин олган. Ушбу турда генуяликлар "Сассуоло"ни ўз майдонида қабул қилади. 

Биринчи даврада кечган беллашувда Элдор "Сассуоло" дарвозасига йўл топишга муваффақ бўлганди. Бугун ҳам у жамоаси учун муҳим бўлган ўйинда гол уришга ҳаракат қилиб кўради. 

"Сассуоло" айни дамда Европа Лигаси поғоналари учун курашмоқда ва ушбу йўлда унга очко жуда зарур. "Гриффонлар" эса Б Серия хавфидан тўлиқ қутулганича йўқ. Шу сабабдан, ғалаба учун астойдил ҳаракат қилиши аниқ. 

Учрашув Тошкент вақти билан 15:30 да старт олиши режалаштирилган.