Бугун Нигина, Сабина ва Оқгул кортга чиқади

Тошкентдаги Республика олимпия захиралари теннис мактабида теннис бўйича хотин-қизлар ўртасида “Tashkent Open – 2019“ мусобақаси бошланди.

 

Ўзбекистон Жисмоний тарбия ва спорт вазирлиги, Миллий олимпия қўмитаси, мамлакатимиз теннис федерацияси ва Халқаро хотин-қизлар теннис уюшмаси (WTA) томонидан ўтказилётган турнирда мамлакатимиз шарафини Сабина Шарипова, Оқгул Омонмуродова ҳамда Нигина Абдураимова ҳимоя қилмоқда.

 

Соврин жамғармаси 250 минг АҚШ долларини ташкил қилувчи турнирнинг яккалик баҳсларида бугун уч нафар теннисчимиз иштирок этади.

 

Унда мамлакатимизнинг биринчи рақамли теннисчиси Сабина Шарипова илк даврада черногориялик Данка Ковинич билан баҳс олиб борса, тажрибали спортчимиз Оқгул Омонмуродова бельгиялик Есалин Бонавентурени синовдан ўтказади. Шунингдек, ҳамюртимиз Нигина Абдураимова эса руминиялик Моника Никулескуга қарши кортга чиқадиган бўлди.