Бугун таэквондочиларимизнинг Рим Гран-присидаги иштироки бошланади
Бугун Италиянинг Рим шаҳрида таэквондо бўйича мавсумнинг биринчи Гран-приси старт олади. Ушбу статусдаги мусобақа йил давомида 3 бор ва йил охирида энг сара таэквондочилар ўртасида якуний Гран-при тарзида ўтказилади.
Римдаги турнирда 5 нафар таэквондочимиз баҳс олиб бориши белгилаб қўйилган. Бугунги кун дастурида эса аёллар ўртасида -67 килогармм вазн тоифасида Нигора Турсунқулова даянга чиқади. Ҳамюртимизнинг дастлабки даврадаги рақибаси украиналик Татьяна Тетеревятникова бўлади.
Эслатиб ўтамиз, Гран-при мусобақаси Токио Олимпиадасига лицензион очко тақдим этувчи турнирлар сарасига кириб, унда рейтингдаги энг кучли 32 спортчиларгина иштирок эта олиши мумкин. Мусобақа ғолиби Олимпиада рейтинги учун 40 очкога эга бўлади.
Манба: МОҚ
Фикрлар