Bunaqa futbolchi “Yuventus”ga kerak emas

“Yuventus” hujumchisi Paulo Dibala va klub o‘rtasidagi yangi shartnoma bo‘yicha muzokaralar to‘xtatildi.

Klub rahbariyati argentinalik yulduzning intizomidan norozi bo‘lmoqda. Dibala karantin talablari amalda bo‘lishiga qaramay, jamoadosh ikki do‘sti bilan bayram uyushtirishgan. Natijada u bir necha o‘yinlarga chetlatildi.

“Yuventus” dekabr oyida Paulo Dibalaga yiliga 10 million evro maosh va’da qilingan yangi shartnoma taklif qilgan edi. Endi klub xo‘jayinlari bu taklifni qaytib oldi. Dibala yozda transfer qilinishi kutilmoqda.