Бунақа Роналду бизга керакмас!

“Манчестер Юнайтед” мутасаддилари Криштиану Роналду хизматини “Интер” ва “Милан”га таклиф қилди, деб хабар тарқатди италиялик инсайдерТанкреди Палмери.

Манбанинг таъкидлашича, Милан шаҳрининг ҳар икки клуби ҳам 37 ёшли тўпурарни ўз сафига қўшиб олишни истамаган.

Роналду Чемпионлар лигасидаги серияси тўхташини истамаяпти ва имкон қадар тезроқ Европанинг энг нуфузли турнирида иштирок этадиган жамоага ўтишни мўлжаллаб юрибди.

Криштиану манчестерликлар билан мавсумолди йиғинида қатнашмади. Португалиялик юлдузнинг ҳозирги тайёргарлиги талаб жавоб бермайди. “Манчестер Юнайтед” Англия премьер-лигасининг дастлабки икки учрашувида ўзидан кучсиз жамоаларга имкониятни бой бериб, мусобақа жадвалида охирги ўринда қайд этилган.

Криштиану Роналду нурсиз ўйинлари учун мухлису мутахассислар томонидан кескин танқид қилинмоқда.