Бундеслига. "Бавария" муҳим баҳсда ғалаба қозониб, "Байер" билан орадаги фарқни янада йириклаштирди
Бундеслиганинг 28-туридан ўрин олган учрашувда Компани бошчилигидаги "Бавария" "Аугсбург" устидан ишончли 3:1 ҳисобида муваффақиятга эришди.
Мазкур беллашувнинг 30-дақиқасида Димитрис Яннулис мезбонларни олдинга олиб чиққан бўлса, орадан 12 дақиқа ўтиб германиялик ярим ҳимоячи ҳисобланган Жамал Мусиала ҳисобни тенглаштиришга муваффақ бўлди. Бундан ташқари, иккинчи бўлимнинг 60-дақиқасида Харри Кейн мавсумдаги 34-голини киритишга эришди. Шу билан бирга, қўшиб берилган дақиқаларнинг сўнггисида Крислен Матсима ўз дарвозасини ишғол қилиб, немисликларнинг ғалабасига ҳисса қўшди. Мухлислар учун афсусланарли томони шуки, учрашув давомида Мусиала жароҳат олди. Дастлабки маълумотларга кўра, Жамал 5-6 ҳафта давомида жамоасига ёрдам бера олмаслиги мумкин.
"Бавария" бу ғалаба орқали Хаби Алонсонинг "Байер"идан 9 очко илгарилаб кетмоқда. Бироқ, леверкузенликлар бу турдаги ўз учрашувини 5 апрель куни "Хайденхайм"га қарши ўтказишади.
Маълумот ўрнида, "Бавария" 8 апрелдан 9 апрелга ўтар кечаси Чемпионлар лигасининг чорак финал баҳсида Миланнинг "Интер" клуби билан тўқнаш келади.
- Германия - Бундеслига
- Регулярный сезон
ФК Аугсбург
- Dimitris Giannoulis 30'
04.04.2025 23:30
Бавария
- Jamal Musiala 42'
- Harry Kane 60'
- Chrislain Matsima 90'
Комментарии