Бундеслига. "Бавария" йирик ҳисобдаги ғалабани тантана қилди

Германия Бундеслигаси 8-тури доирасидаги "Бавария" - "Байер" учрашуви якунига етди. Қизиқарли ва голларга бой ўтган баҳсда мюнхениклар йирик ҳисобдаги ғалабани тантана қилди - 3:0.

Учрашувнинг 3-дақиқасида Лерой Сане ҳисобни очган бўлса, 17-дақиқада Жамол Мусиала таблодаги ҳисобни 2:0 кўринишига келтириб қўйди. Биринчи тайм якунланиши арафасида, аниқроғи 39-дақиқада Садио Мане жамоасининг 3-голига муаллифлик қилди. Иккинчи тайм охирига келиб, Нагельсманн шогирдлари 4-голни киритишга муваффақ бўлди. Томас Мюллер "доричилар" дарвозасини ишғол қилиб, ўзининг мавсумдаги иккинчи тўпини киритди.

Ушбу ғалабадан кейин "Бавария" ҳисобидаги очколар сони 15 тага етди ва турнир жадвалида 2-ўринга кўтарилиб олди.  "Байер" эса 5 очко тўплаган ҳолда аутсайдерлар қаторидан жой олган.