"Bunyodkor" futbolchisi "Dinamo"ga o‘tyapti

Bir necha mavsum mobaynida “Bunyodkor” sharafini himoya qilgan 2000 yildan tug‘ilgan Rasul Yo‘ldoshev kuni kecha “Qaldirg‘ochlar” bilan xayrlashdi. Yarim himoyachi birinchi davrada “Bunyodkor” tarkibida Superliga doirasida 10 ta, Kubokda esa 3 ta o‘yinda maydonga tushdi.

Ma’lum bo‘lishicha, Rasul Yo‘ldoshev “Dinamo” klubiga borib qo‘shildi. Agar barcha ishlar ko‘ngildagidek bo‘lsa, futbolchi ikkinchi davrani samarqandliklar safida boshlaydi.