"Бунёдкор" ҳимояни кучайтириш учун икки нафар футболчи билан шартнома имзолади

“Бунёдкор” клуби ёзги трансфер вақтида селекция ишларини фаол олиб боряпти. Ҳозирча “Қалдирғочлар” ўз сафига икки нафар футболчини қўшиб олдилар.

Яқинда “Қизилқум”ни тарк этган Шаҳбоз Жўрабеков “Бунёдкор” аъзосига айланди. Футболчи мавсум охирига қадар шартнома имзолади. Бу хабарни Жўрабеков Sports.uz журналистига тасдиқлади.

Шунингдек, Бангладеш чемпионатида тўп сурган ва яқинда юртимизга қайтиб келган ҳимоячи Бобур Йўлдошев ҳам “Бунёдкор” билан шартнома тузди. Кўриниб  турибдики, клуб бу орқали заифлашиб қолган ҳимоя чизиғини мустаҳкамламоқчи.

Маълумот учун, биринчи даврада "Бунёдкор" ўз дарвозасидан энг кўп - 24 та тўп ўтказиб юборди.