"Бунёдкор" икки футболчиси билан хайрлашди

Биринчи даврани омадсиз ўтказган ва кўплаб очколарни бой берган “Бунёдкор” иккинчи даврада албатта таркибини кучайтириши лозим. Ҳозирда селекция ишлари давом этмоқда.

Клубни ҳозирча икки нафар ўйинчи тарк этди. Булар – хорватиялик ҳужумчи Тони Йович ва иқтидорли футболчи Амир Саидов.

Саидов Сербиянинг “Единство” клубига кўчиб ўтди. 2006 йилда туғилган ҳужумчи биринчи даврада “Бунёдкор” сафида чемпионатда 6 та баҳсда майдонга тушди. Ўзбекистон Кубогида эса 2 та ўйинда 1 та гол урди.

Тони Йович биринчи даврада 13 та учрашувда иштирок этди. Кубок доирасида эса легионер ҳужумчи 3 та беллашувда қатнашиб, 1 та гол урди.