«Бунёдкор» мураббийи: «Нафақат гуруҳдан чиқиш, балки совриндорлар қаторидан жой олишга ҳаракат қиламиз»

«Бунёдкор» бугун «Ҳоким Кубоги»нинг 3-тур доирасида «Нефтчи-2»га қарши майдонга чиқади. Гуруҳ пешқадамлигидан ташқари, чорак финал йўлланмасини тақдим қиладиган беллашув олдидан жамоа мураббийи Марат Мифтахуддинов ўз фикрлари билан ўртоқлашди. 

"Нима ҳам дердим, «Нефтчи-2»га қарши учрашувга етарлича тайёгарлик кўрдик. Аввал ҳам айтганимдек, нафақат мусобақага мавсумга ҳам тайёргарликни давом эттиряпмиз. Бугун ҳам режа асосида икки маҳал шуғулландик. Албатта эртага майдонга фақат ғалаба учун чиқамиз. Гуруҳдан чиқиш имкониятимиз бор экан, курашни давом эттирамиз. Нафақат гуруҳдан чиқиш, балки совриндорлар қаторидан жой олишга ҳаракат қиламиз.

«Турон-2» биз билан ўйинга аралаш таркибни майдонга туширганди. Эртага «Нефтчи-2»да ҳам тажрибали футболчиларни кўрсак ажаб эмас. Одатда мусобақаларда сўнгги тур ўйинлари бир вақтда ўтказиларди. «Ҳоким Кубоги»да бунга гувоҳ бўлмаяпмиз. Тўғри, эртага биз «Навбаҳор фарм»нинг натижасини билган ҳолда майдонга чиқамиз, аммо беллашувлар бир вақтда бошланса учрашувга бўлган қизиқиш янада ортади", -дея мураббий сўзларини келтирмоқда "қалдирғочлар" матбуот хизмати. 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар