«Бунёдкор» мураббийи: «Рақиб анча кучсиз кўринди»

«Ҳоким Кубоги»нинг чорак финалидан ўрин олган «Бунёдкор» - «Нур Баткен» (5:0) учрашувидан кейин "қалдирғочлар" мураббийи Марат Мифтахуддинов ўз фикрлари билан ўртоқлашди. 

"Ярим финалга чиқдик, албатта бундан хурсандмиз. Бугунги ўйин ҳақида нима дейишим мумкин? Рақиб дарвозасини беш бор ишғол қилдик. «Нур Баткен» футболчилари гуруҳ ўйинларида катта куч сарфлаб юборганми ёки жисмоний томондан ҳали тайёрмасми, ҳайронман, бугун анча кучсиз кўринди. Бунинг сабабини билмадим. Ҳатто биринчи бўлимнинг ўзидаёқ ҳисоб йирик кўриниш олиши мумкин эди. Лекин вазиятлардан фойдалана олмадик. Танаффусдан кейин деярли ҳар бир хафвли ҳужумимиз голга айланди ва ҳисоб йирик кўриниш олди. Ярим финалда «Нефтчи» билан ўйнамиз. Бу беллашув қизиқарли кечишига шубҳа йўқ. Финал остонасига етиб келдикми, энди ортга қайтмаймиз", - дея мураббийнинг сўзларини келтирмоқда клуб матбуот хизмати.