"Бунёдкор" ва "Пахтакор" 34 бора тўқнашган (превью)
Суперлигада бир ойга яқин давом этган танаффусдан кейин "шерлар" 25 июнь куни Тошкент дербисида "Бунёдкор" билан тўқнаш келишади.
“Бунёдкор” билан кечадиган дербилар ҳамиша кескин тўқнашувларга бой тарзда ўтади. Ҳозиргача ўтказилган 34 беллашувнинг 13тасида "Пахтакор" ғолиб бўлган. 9та баҳсда дуранг ва 12 ўйинда рақиб ғалабаси кузатилган. "Шерлар" 45 тўп киритиб, 39 гол ўтказиб юборган. Жамоалар ўртасидаги энг йирик натижа 2020 йилнинг биринчи даврасида кузатилиб, унда "Пахтакор" 5:0 ҳисобида ютуққа эришган.
"Бунёдкор" майдонида кечган беллашувларда 5 ғалаба, 3 дуранг ва 9 мағлубият қайд этилган.
Эслатиб ўтамиз, "Бунёдкор" ва "Пахтакор" жамоалари ўртасидаги ўйин 25 июнь, якшанба куни соат 20:00да "Бунёдкор" стадионида бошланади.
Фикрлар