"Бунёдкор" хорижда ўртоқлик ўйини ўтказади

Хабарингиз бор, терма жамоаларнинг ўйинлари борлиги учун Суперлигада танаффус юзага келган. ФИФА кунларидан фойдаланиб қолаётган "Бунёдкор" клуби хорижда ўртоқлик ўйини ўтказади.

SPORTS.uz сайтига маълум бўлишича, "қалдирғочлар" шу кунларда Тожикистоннинг "Хўжанд" клуби билан ўртоқлик учрашувида майдонга тушишади. Ушбу беллашув Тожикистонда ўтказилади.

Маълумот ўрнида "Хўжанд" клуби 11 сентябрь куни юртимизда "Қўқон-1912" билан ўртоқлик ўйини ўтказганди.