"Burca-Cup". Toshkent viloyati karatechilari Turkiyada munosib ishtirok etdi

Joriy yilning 13-15 dekabr kunlari Turkiyaning Istanbul shahrida karate WKF bo‘yicha 34 - "Burca-Cup" xalqaro turniri bo‘lib o‘tdi. Musobaqada 35 ta davlatdan to‘rt mingdan ortiq yosh karate ustalari g‘oliblik uchun kurash olib borishdi.

Quvonarlisi, mazkur xalqaro turnirda Toshkent viloyatining Toshkent tumani sport maktabi murabbiyi Dilshod Yusupov va uning shogirdi Saidkamol Adilov hamda Bekobod shahar sport maktabi murabbiyi Hamdamjon Shodibekov va shogirdi Kamronbek Abduqayumovlar ham ishtirok etib, muvaffaqiyatli natijalarga erishdi. Xususan, Toshkent tumani sport maktabi tarbiyalanuvchisi Saidkamol Adilov ushbu nufuzli xalqaro turnirda bronza medalini qo‘lga kiritgan bo‘lsa, uning jamoadoshi bekobodlik Kamronbek Abduqayumov ham bronza medaliga egalik qildi.

Darvoqe, xabaringiz bo‘lsa kerak, ushbu mahoratli karatechilar noyabr oyida Birlashgan Arab Amirligining Abu- Dabi shahrida o‘tkazilgan xalqaro musobaqada oltin medallarni qo‘l kiritishgan edi.