"Бургутлар"га қарши ўйинлардан сўнг рақиб устозлари қандай фикрда?

“Бургутлар”нинг 13 февраль санасида бўлиб иккита ўртоқлик учрашувларидан кейин рақиб жамоа бош мураббийлари “Андижон” матбуот хизматига ўз фикрларини айтиб ўтдилар.

Бронислав Червенка (“Злин” бош мураббийи):

“Ўйиндан мамнун бўлдим. Чунки учрашув давомида бир қанча яхши вазиятларга эга бўлдик. Натижада бундан фойдаланиб гол уришни унутмадик. “Андижон” техник ва тактик томондан яхши. Малакали ҳимоячилари бор. Аммо бизга хавф туғдиришларига йўл қўймасликка ҳаракат қилдик”.

Андрей Финонченко (“Шахтёр” бош мураббийи):

“Яхши ўйин бўлди. Таътилдан кейинги биринчи ўйинимиз бўлганлиги учун йигитлар жисмонан тайёр эмаслигини кўришимиз мумкин. Жамоангиз тезкор ва тўп билан ҳам анча яхши ўйнади. Фақат 2:0 га ютқазганимиз бироз ёмон бўлди. Хатоларимизни кўрдик. Энди шу хатоларимизни тўғрилаймиз. Чемпионатда бундай хато қилгандан ҳозир шу хатони тўғрилаганимиз яхшироқ. Асосийси, биринчи ўйиндан йигитлар жисмонан “нагрузка” олдилар. Чемпионатда ўйнаганда бундай жисмоний ҳолатлар бўйича кўпроқ ишлаймиз. Шунинг учун ҳозирча бу қийинроқ кўриняпти. Айтганимдек, “Андижон” тўп билан чаққонроқ ўйнаяпти. Адашмасам, бу сизларни 5- ё 6-ўйинингиз-а, бизни эса биринчи ўйинимиз. Ғалаба билан табриклайман.

“Андижон” менда яхши таассурот қолдирди. Ажойиб ҳаракатлари бор. Ҳаммаси техникаси яхши йигитлар. Қандай очилишни билишади, голлар бор, яхши дарвозабони бор. Шу боис ҳам 2 та гол киритдилар. Жамоага омад тилайман, шундай давом этинглар”.