Бускетс "Барселона"даги юбилей учрашувини ўтказди

"Барселона" хавбеки Серхио Бускетс кеча Ла Лиганинг 18-туридан ўрин олган "Гранада"га (4:0) қарши ўйинда иштирок этди.

Opta статистик портали тарқатган хабарга қараганда, бу 32 ёшли футболчи учун “кўк-анор ранглилар” сафидаги 600-ўйин бўлди.

“Барселона”да энг кўп ўйин ўтказиш бўйича Андрес Иньеста (674), Лионель Месси (752) ва Хави (767) етакчилик қилмоқда.

Бускетс жорий мавсум “Барселона”да жами 20 та ўйинда майдонга тушди.