Бутун Англия "Ливерпуль"га мухлислик қиляптими? Клопп Гвардиоланинг сўзларига фикр билдирди

"Ливерпуль" бош мураббийи Юрген Клопп "Манчестер Сити" устози Хосеп Гвардиоланинг “мерсисайдликлар”га бутун Англия мухлислик қилаётгани ҳақидаги сўзларига изоҳ берди.

"Мен "Ливерпуль"да яшайман ва шунинг учун кўпчилик мухлислар ғалаба қозонишимизни хоҳлайди деб айта оламан. Лекин бу ерда ҳам бу кўрсаткич 50 фоиз.

Гвардиола қандай ҳолатда бўлганини билмайман. Албатта, Чемпионлар лигасидан чиқиб кетишни қабул қилиш осон эмас. “Ливерпуль” эса финалда.

Бизни бутун мамлакат қўллаб-қувватлаяптими, билмайман. Бошқа шаҳарларда менда тескари таассурот бор эди. Балки Пеп бу ҳақда мендан кўра кўпроқ билар...”, - деди германиялик мутахассис.

Эслатиб ўтамиз, 28 май куни "Ливерпуль" Чемпионлар лигаси финалида "Реал"га қарши ўйнайди. Учрашув Парижда бўлиб ўтади.