Бутун бир жамоани Мессидан устун қўйдик!

“Барселона” президенти Жоан Лапорта аргентиналик юлдуз Лионель Мессининг клубдан кетишга мажбур бўлган вазиятни яна бир бор эсга олди.

- Ўшанда мен “Барселона”ни жаҳон футболидаги энг зўр ўйинчидан устун қўйишга мажбур бўлгандим. Молиявий инқироз жараёнида Леони ушлаб қола олмасдим. Бу клуб манфаати учун энг тўғри қарор бўлган.

Ҳозир Месси ПСЖ футболчиси бўлгани боис, у ҳақида гапирмасликни маъқул кўраман. Бор эътиборимизни “Барселона”га қаратишимиз лозим. Шунга қарамай, Лионель Месси клубимизнинг бир бўлаги бўлиб қолаверади ва у билан алоқаларимиз давом этмоқда, - деди Жоан Лапорта.