Бугун Бухоро шаҳридаги “Сахид Зарафшон” меҳмонхонасининг анжуманлар залида “Бухоро” жамоасининг янги футболчиларини таништирув маросими ўтказилди.

Таништирув маросимини Бухоро вилояти ҳокими, Бухоро футбол федерацияси президенти Ботир Зарипов очиб берди. Сўз аввалида Республикамизда миллионлар ўйини бўлмиш футболга бўлган эътибор учун ҳукуматимиз раҳбариятига миннатдорчилик билдирди.

бухоро2_5

Бинобарин, юртимизда кейинги йилларда спортга, айниқса, катта футболга бўлган эътибор кучайиб боряпти. Афсуски, ўтган йили “Бухоро” жамоаси Суперлигани тарк этди. Бу ҳолат шахсан вилоят ҳокимига анча ёқимсиз бўлганлигини билдирди. Бухоро футболи мавқеини кўтариш учун барча салоҳиятлар ишга туширилиши, насиб қилса, йил сўнггига қадар Суперлигага йўлланма олиш учун жамоа олдига шуни вазифа қилиб қўйгани, қандай ечилмаган муаммолар бўлса, шахсан ўзи ёрдамини аямаслигини билдирди.

бухоро3_1

Сўнгра, сўз жамоа бош мураббийи Даврон Файзиевга берилди. Файзиев ўз сўзида Бухоро шаҳри жамоасига бош мураббийлик қилиши шараф эканлигини, шогирдлари ҳам маъсулиятни ҳис қилиб, яхши ўйнаб, ҳар қандай рақибга қарши “жанг” қилишга тайёр эканини, бир пайтлар “Бухоро” мухлислари Республикада етакчи, уй учрашувларида мухлислар сони бўйича Наманган, Қашқадарё ишқибозлари билан рақобатда бўлганини эслади. Жамоа учун мухлисларни қўллаб-қувватлаши кераклигини, уларни хурсанд қилиш учун қўлдан келган барча ишни қилишиин айтди.

Маросим охирида жамоага янги келиб қўшилган футболчиларга уларнинг фамилиялари туширилган формалар тантанали равишда топширилди. Ушбу ўйинчилар янги мавсумда қуйидаги рақамларда тўп суришади:

бухоро4

1. Рахат Жаппаров, 3. Азамат Исроилов, 6. Бобур Қосимов, 9. Даврон Исоқов, 10. Шавкат Саломов, 11. Санъат Шихов, 13. Амир Сафаров, 14. Рустам Абдуҳамидов, 15. Шохруҳ Холматов, 16. Алишер Саноев, 18. Қаҳрамон Баҳодиров, 22. Абдужамол Исроилов, 24. Жасур Ўринов, 34. Ҳакимхон Аъламхонов, 65. Марко Милич.

"Бухоро" матбуот хизмати.

Матнда хатолик топсангиз, ўша хатони белгилаб, бизга жўнатинг (Ctrl + Enter)