"Бухоро" ўз майдонида "Металлург"ни сўнгги бор қачон ютган?

Ўзбекистон Суперлигаси 9-турида Бекободнинг “Металлург” жамоаси сафарда “Бухоро” меҳмони бўлади. Томонлар шу кунга қадар кучлилар сафида 46 марта тўқнаш келишган. Ортда қолган учрашувларнинг 21 тасида “Металлург” ғалаба қозонган бўлса, 18 та ўйинда бухороликларнинг қўли баланд келган. 7 та ўйинда эса дуранг натижа қайд этилган. Киритилган ва ўтказиб юборилган тўплар фарқи бекободликлар фойдасига – 63:59.

“Металлург”нинг “Бухоро” устидан қозонган энг йирик ғалабаси учта тўп фарқидан иборат – 3:0, 4:1. “Бухоро”нинг “Металлург” устидан эришган энг йирик ғалабаси эса 4:0 ни ташкил этади. Мазкур жамоаларнинг Бухоро шаҳрида бўлиб ўтган тўқнашувларида устунлик майдон эгалари томонида.

Бухорода ўтган сўнгги бешта учрашув натижаси:
02.07.2020 "Бухоро" - "Металлург" 1:4
27.11.2019 "Бухоро" - "Металлург" 0:0
24.10.2018 "Бухоро" - "Металлург" 1:0
02.08.2018 "Бухоро" - "Металлург" 2:1
30.09.2017 "Бухоро" - "Металлург" 2:2

"Металлург" клуби матбуот хизмати