Бистров: «Португалияга ноқонуний пенальти беришди, Роналдуни жаҳон чемпионатига тортишяпти»

«Спартак» ва «Зенит»нинг собиқ ярим ҳимоячиси Владимир Бистров жаҳон чемпионати – 2026 плей-офф босқичининг биринчи раундида бўлиб ўтган Португалия – Хорватия учрашуви ҳақида ўз фикрини билдирди.

Унга кўра, португаллар фойдасига белгиланган пенальти адолатли эмас эди.

«Португалияга ноўрин пенальти беришди. Энг қизиғи шундаки, ушбу Мундиалда бундай ҳолатларда умуман ҳуштақ чалинмаяпти. Бу сафар эса ВАР аралашди – Криштиануга ёрдам беришди", – дея Бистровнинг сўзларини келтирди «Чемпионат» нашри.

Эслатиб ўтамиз, беллашув Португалия терма жамоасининг иродали ғалабаси билан якунланди – 2:1. Кейинги босқичда Роберто Мартинес шогирдлари Испания терма жамоасига қарши майдонга тушади. Учрашув душанба, 6 июль куни ўтказилиши режалаштирилган.