Чалханоглунинг агенти уни

“Милан” ярим ҳимоячиси Хакан Чалханоглу жамоани тарк этиши мумкин.

Tuttosport нашри тарқатган хабарга кўра, туркиялик футболчининг агенти Гордон Стипич “россонерилар” билан шартномаси ниҳояланиб бораётган мижозининг хизматларини “Ювентус” ва “Интер”га таклиф қилган. Гап шундаки, Чалханоглунинг “Милан” билан амалдаги шартномаси 2021 йилнинг ёзида ўз ниҳоясига етади ва шу сабабли, 1 январдан бошлаб, у бошқа жамоалар билан музокаралар ўтказиш ҳуқуқига эга бўлади.

“Милан” ҳам агентнинг бу ҳаракатларидан сўнг, Чалханоглуга йиллик 6 млн евро маош таклиф қилмоқда. Унинг айни дамдаги маоши 2,5 млн еврони ташкил этади.

26 ёшли Хакан жорий мавсум А Серияда 7 та ўйинда майдонга тушди ва 1 та голга ассистентлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)